ຕອນທີ 9: ພະຍາພົມພັກດີຂໍອະນຸຍາດຈາກບາງກອກເພື່ອສັກເລກຄົນລາວ

Chapter 9: Phagna Phompakdi proposed tattooing of the Lao to Bangkok

Bangkok was pleased with the idea that Phagna Phomphakdi proposed on tattooing the Lao, therefore they assigned four of the royal counsels to assist him carrying out the task.   Arms tattooing of Lao were to be done everywhere that's under the umbrella of Vientiane, Kalasin, Hemmalat(Khemmarat), Mukdahan, Ubon,  etc.. except Vientiane itself. The purpose was to census Lao as Siamese and strike fear to the Lao and to put their rebellious mind to rest.

ຕອນທີ ໙: ພະຍາພົມພັກດີຂໍອະນຸຍາດຈາກບາງກອກເພື່ອສັກເລກຄົນລາວ
ບັດນີ້ ຈັກກ່າວເຖິງພຍາພົມເຈົ້າ       ຜິປອງຫຼາຍວາດ ກ່ອນແລ້ວ
ມັນກໍ ຜິຍົກຟ້ອງ            ຫຼາຍຂໍ້ຂາບທູນ
ນຳສານເຝົ້າ               ຝ່າລະອອງຝ່າບາດ
ບັດນີ້ ຄວນທີ່ຈົດເລກໄວ້      ເສັຽແທ້ຊູ່ເມືອງ ເຈົ້າເອີຍ
ຈຽມແຕ່ ວຽງຈັນເຈົ້າ         ກິນເມືອງຫມົດຂອບ
ມັນຈັກ ກັບຕ່າວມ້າງ         ເຮົາແທ້ບໍ່ສົງ ຫັ້ນແລ້ວ
ແຕ່ນັ້ນ ອົງຫຼວງເຈົ້າ         ທົງພະໄທຄຶດຮາໍ່
ຄືແມ່ນແທ້                ຄຳນັ້ນຊອບກົນ ທ່ານເອີຍ
ແລ້ວຈຶ່ງ ທັນມາພ້ອມ        ເສນາທັງສີ່
ເຈົ້າກ໋ ປົງອາດໃກ້           ເຂົາແຈ້ງຊູ່ຄົນ ແທ້ແລ້ວ
ແຕ່ນັ້ນ ເສນາເຈົ້າ           ກຸງສີຕົກແຕ່ງ
ຮັບສັ່ງ ຂຸນຫມື່ນເຈົ້າ         ຄົນຊັ້ນເຊື່ອໃຈ
ຊື່ວ່າ ຫມື່ນພັກດີແທ້         ປັນຍາໄວຖ້ວນຖີ່
ພິທັກນັ້ນ                  ເຂົານັ້ນເກິ່ງກັນ ແທ້ແລ້ວ
ເຈົ້າກໍ ປົງປະທານໃຫ້        ຮາງວັນຄົບເຄື່ອງ
ມຶງຈົ່ງ ໄປຂົ່ມໃຫ້           ເຂົານັ້ນອ່ອນຍອມ ທຽວເທີ້ນ
ຕັ້ງແຕ່ ກາລະສິນຂຶ້ນ         ເຖິງເມືອງເຫມະຣາຊ
ບັງມຸກພ້ອມ               ເຖິງເທົ້າເຂດອຸບົນ
ເມືອງຫມູ່ນັ້ນ               ສເມີສິ່ງສັນດຽວ ຫັ້ນທ້ອນ
ເວັ້ນແຕ່ ເມືອງວຽງຈັນ ຢ່າກົວມັນທ້ອນ
ໃຫ້ມຶງ ຈົດເອົາໄວ້           ຍັງຊື່ຍິງຊາຍ
ແຂນລາຍສັກ              ໃສ່ສືສົມເຂົ້າ
ເຂົາຈຶ່ງ ຍິນຍອມຢ້ານ        ບໍ່ບັງເກີດທຳເສິກ
ແມ່ນວ່າ ເຂົາຄົງເຮັດ         ກໍບໍ່ກົວເກງແລ້ວ
ແຕ່ນັ້ນ ກອງສັກເຈົ້າ         ດາພົນຍ້າຍອອກ
ຄັນຮອດ ຄອນຣາຊແລ້ວ      ເຊົາຫັ້ນຢູ່ນານ