ຕອນທີ 10: ພະຍາພົມພັກດີໄດ້ຄອງໂຄຣາດແທນພະຍາບຸນຈັນ ແລ້ວສົ່ງກຳລັງໄປສັກເລກຄົນລາວ

Chapter 10: Phagna Phomphakdy succeeded Phagna Bounchanh as ruler of  Khorat then began his tattooing process of the Lao population.
As promised by Bangkok, Phagna Phomphakdy was appointed the new governor of Khorat after the death of Phagna Bounchanh. Thereafter he immediately carried out the tattooing process of the Lao starting from Kalasin,  Lakhon (Nakhonphanom) then Ubon.   All eight townships (houa muang thang paed) was covered except Viengchanh

ຕອນທີ ໑໐: ພຍາພົມພັກດີໄດ້ຄອງໂຄຣາຊແທນພຍາບຸນຈັນ ແລ້ວສົ່ງກຳລັງໄປສັກເລກຄົນລາວ

ຍາມນັ້ນ ພຍາບຸນຈັນເຈົ້າ           ສເວີຍເມືອງຄອນຣາຊ
ເຈົ້າກໍ ລົດຊົ່ວມ້ຽນ                 ຂັນມ້າງມິ່ງມອນ ຫັ້ນແລ້ວ
ເຂົາກໍ ເມືອຄອຍແຈ້ງ              ທູນຂມ່ອມອົງຫຼວງ
ເຈົ້າກໍ ປົງຂອງມາ                 ແຈກທານຫາເຈົ້າ
ຫຼວງກໍ ຮີບສັ່ງໃຫ້                 ຂ້າມະຫາດຄົນໃນ
ໃຫ້ສູ ເອົາພຍາພົມ                ນັ່ງແທນເມືອງທ້ອນ
ເຂົາກໍ ຮັບອາດແລ້ວ               ກົ້ມຂາບລາລົງ
ກັບທັງ ຕົວພຍາພົມ               ພຳ່ມາມວນພ້ອມ
ຄ້ອມວ່າ ມາຮອດແລ້ວ       ຕົກແຕ່ງກິນທານ
ພໍປະມານເລີຍ                    ຈູດພະການສູນສ້ຽງ
ເຂົາກໍ ອຸປເສກເຈົ້າ                ພຍາພົມທົງນັ່ງ
ອັນວ່າ ຄອນຣາຊນີ້                ຂອງເຈົ້າຜູ້ດຽວ ແທ້ແລ້ວ
ບໍຣິບວນແລ້ວ                    ເຂົາເລີຍລາເລີກ
ຄືນສູ່ຫ້ອງ                       ກຸງແກ້ວຊູ່ນາຍ ຫັ້ນແລ້ວ
ຍັງແຕ່ ກອງສັກເຈົ້າ               ຄອງຟັງສາເຫດ
ຄັນວ່າ ພຍາພົມຫາກມີອາດໃຫ້ ເຂົາແລ້ວຈຶ່ງໄປ ຫັ້ນແລ້ວ
ເຈັ້າກໍ ອາຍັດໃຫ້                  ຝູງຫມູ່ກອງສັກ
ສູຈົ່ງ ໄປຂຽນເອົາ                 ຊື່ເຂົາຕົງສ້ຽງ
ຕັ້ງແຕ່ ຍິງຊາຍຊ້ອນ               ຜົວເມັຽມີຄູ່
ຊາຍບໍ່ ມີຄູ່ຊ້ອນ                  ເອົາແທ້ດັ່ງດຽວ ຫັ້ນເທີ້ນ
ເຂົາກໍ ແຈ້ງຂໍ້ແລ້ວ                ເລີຍເລົ່າລາໄປ
ແຍງຄີຣີ                  ປ່າໄພດົງກວ້າງ
ເຖິງກາລະສິນ              ເລັ່ງຄົນມາເຝົ້າ
ສັກເລກພ້ອມ              ທັງຂຽນເອົາຊື່
ເຫມິດຖ້ວນແລ້ວ            ກາຍຂຶ້ນສູ່ລະຄອນ
ຊາວລະຄອນຟ້າວ           ຈັດກັນປັດຂອດ
ມາກໍ່ຕັ້ງ                  ສານກວ້າງຖ້ານາຍ
ເຈົ້າຮອດແລ້ວ              ພັກຈອດໃນສານ
ຝູງເສນາ                  ເລັ່ງຄົນມາເຝົ້າ
ສັກເລກພ້ອມ              ຂຽນຊື່ນາມກອນ
ທັງວັນຄືນ                 ບໍ່ຂາດຍາມຄາວນ້ອຍ
ແຕ່ນັ້ນ ມະເຫສີເຈົ້າ         ພຍາເມືອງລົດຊົ່ວ ເສັຽນັ້ນ
ເຂົາກໍ ມວນພຳ່ພ້ອມ        ດອມເຈົ້າສົ່ງສະການ
ເຂົາກໍ ສັກເອົາສ້ຽງ          ຂົງລະຄອນຄົນເລກ
ແລ້ວເລົ່າຍ້າຍ              ກາຍເຂົ້າສູ່ອຸບົນ ຫັ້ນແລ້ວ
ຄັນວ່າ ສັກເຫມິດແລ້ວ ຫົວເມືອງທັງແປດ
ເຂົາກໍ ກັບຕ່າວຕັ້ງ           ຄືນເຂົ້າສູ່ກຸງ