ຕອນທີ 18: ເຈົ້າອະນຸສັ່ງໃຫ້ກວາດເອົາຄົວເມືອງແປະ ເມືອງປັກ

Chapter 18: Chao Anou ordered evacuation of Meuang Pai, Meugn Paik

Chao Anou ordered the evacuation of two townships, Meuang Pai, Meuang
Paik. All Lao, Khmer, Thai, Kha would be evacuated to Viangchanh. Phagna
Siamlap who resisted was executed. The Lao of Saraburi welcome this
opportunity to be able to finally go back to Viangchanh, no longer be
slaves to Siamese so they hurriedly joined the repatriation. As for the
frustrated Phagna Kay, he was duped by Phomphakdy about his whereabout
so he kept on chasing him place after place.

ຕອນທີ ໑໘ : ເຈົ້າອະນຸສັ່ງໃຫ້ກວາດເອົາຄົວເມືອງແປະ ເມືອງປັກ
ແຕ່ນັ້ນ ອົງອາດເຈົ້າ         ຢັ້ງຂມ່ອມວຽງຈັນ
ພະຈຶ່ງ ມີບັນຊາ            ຊູ່ນາຍຈິງແທ້
ສູຈົ່ງ ໄປກວາດຕ້ອນ         ບ້ານນອກຄາເມ
ຈັດຄົວມາ                 ເລັ່ງເລວຢ່າຊ້າ
ເມືອງແປະພ້ອມ            ເມືອງປັກປັດຂອດ
ຂເມນສ່ວຍພ້ອມ            ໄທຂ້າໝູ່ລາວ
ຝູງບ້ານນ້ອຍ               ຢູ່ຂອກແຄມເມືອງ ກໍດີ
ຈັດຂົນໄປ                 ຊູ່ຄົນຢ່າຄ້າງ
ປັດກວາດເຂົ້າ              ວຽງຈັນເຂາະຂອດ
ຕັ້ງແຕ່ ດົງຟາກນີ້           ຢ່າໄວ້ຜູ້ໃດ ຫັ້ນເທີ້ນ
ແຕ່ນັ້ນ ເລີຍແຕກມ້າງ        ເໝິດຂອບລາວໄທ
ຂົນຄົວມາ                 ສູ່ພະອົງເປັນເຈົ້າ
ທໍ່ວ່າ ຍັງຂັດແຂງແທ້         ພຍານະຄອນສຽມລາບ ຈິງແລ້ວ
ເຈົ້າກໍ ຟັນມອດມ້ຽນ         ເສັຽແທ້ຊີບຊີວັງ ຫັ້ນແລ້ວ
ເຫັນແຕ່ ຄົວມາກລົ້ນ         ເຕັມແຜ່ນທໍຣະນີ
ທັງລາວໄທ                ໝູ່ຍວນມີພ້ອມ
ຕັ້ງແຕ່ ດົງຟາກນັ້ນ          ຂົງເຂດສຣະບູຣີ
ເຂົາກໍ ຍິນດີດອມ           ເພິ່ງບຸນຈອມເຈົ້າ
ບັດນີ້ ເຂົາຈັກໄດ້ຄືນເມືອສ້າງ ເມືອງຫຼັງຂອງເກົ່າ ເຮົາແລ້ວ
ເປັນຂ້າເຈົ້າ                ເຮົາແທ້ແຕ່ຫຼັງ ເຈົ້າເຮີຍ
ເຂົາກໍ ຕີຄົວຂຶ້ນ             ໜີໄທລັດເລັ່ງ
ມາສູ່ເຈົ້າ                  ບຸນກວ້າງບໍ່ນານ ຫັ້ນແລ້ວ
ແຕ່ນັ້ນ ພຍາໄກເຈົ້າ         ພາພົນດັ້ນດຸ່ງ ຄືນແລ້ວ
ເຖິງຂອບບ້ານ              ເມືອງແທ້ທີ່ຕົນ
ແຍງໜ່ວຍຄ້າຍ             ທັບທີ່ພຍາພົມ
ເອົາກຳລັງ                 ແວດວຽງຣະວັງອ້ອມ
ເລີຍເລົ່າ ເຫັນແຕ່ຄົນເຂົາຄ້າງ ໃນວຽງນ້ອຍຫນຶ່ງ ຈິງແລ້ວ
ເຂົາກໍ ຕົວະລ່າຍແກ້         ຫຼາຍຂໍ້ເຊື່ຶງຄວາມ
ເຂົາວ່າ ພຍາພົມເຈົ້າ         ໜີດົນສາມສີ່ ວັນແລ້ວ
ມັນກໍ ປະບ່າວໄວ້           ໜີລີ້ແຕ່ຕົວ ແທ້ແລ້ວ
ມັນກໍ ເອົາຕົວເຂົ້າ           ແຊງຫຼວງລີ້ຢູ່
ເຜື່ອວ່າຢ້ານ               ກົວແທ້ຊູ່ອັນ ເຈົ້າເຮີຍ
ແຕ່ນັ້ນ ພຍາໄກເຈົ້າ         ຕາມໄປໂດຍດ່ວນ
ເຖິງທີ່ຄ້າຍ                ມັນແທ້ຈອບຟັງ ຫັ້ນແລ້ວ
ເຂົາກໍ ຕີຟາດຄ້ອງ          ສຽງເສບເປັນກົນ
ຄືດັ່ງ ຕົວພຍາພົມ           ຢູ່ຍັງໃນຫັ້ນ
ພຍາໄກເຈົ້າ               ເອົາພົນຣະວັງແວດ
ຫຽັບເຂົ້າໃກ້               ໄປແທ້ບໍ່ເຫັນ
ເຫັນແຕ່ ເຂົາຍັງຄ້າງ         ໃນວຽງສາມສີ່ ຄົນນັ້ນ
ເຈົ້າກໍ ໂຈດໄຕ່ຂໍ້            ເຂົານັ້ນຊູ່ອັນ ຫັ້ນແລ້ວ
ເຂົາກໍ ຕິລ່າຍແກ້            ຄືດັ່ງພາຍຫຼັງ
ເຂົາວ່າ ຕົວພຍາພົມ         ອອກໜີວານນີ້
ແຕ່ນັ້ນ ພຍາໄກເຈົ້າ         ຟັງຄຳເຂົາລ່າຍ
ກໍບໍ່ ຮູ້ເຫດລ້ຽວ             ເຂົາແທ້ທໍ່ໃຍ ຫັ້ນແລ້ວ